فى أحدث حلقات برنامج «المواطن سعيد» تقديم الكاتب الصحفي أحمد سعيد، والتي نُشرت أمس الثلاثاء 14 نوفمبر 2023 عبر منصة “يوتيوب” تحت عنوان: قمة الفشل.. تفاصيل خناقة الدول المشاركة فى قمة الرياض وضياع حقوق أهل غزه
اليومين اللى فاتو السعودية استضافت قمتين واحده اسمها القمة العربية.. والثانية اسمها القمة الاسلامية.. لكن ورغم انهم المفروض قمتين منفلصين.. كل قمه لوحدها.. إلا انهم اتخانقو قبل الاجتماع وخلوها قمة واحده وسموها القمة العربية الاسلامية والكل يحضرها علشان نفض القصة دى.. طيب ليه اتخانقو؟.. قالك ان الدول وهما بيتفقو هيقولو ايه فى القمة قدام الكاميرات.. خد بالك اى قمة او مؤتمر دولى مبيكونش ارتجالى.. بمعنى ان كل الكلام اللى حضرتك هتقوله فيه بيكون متجهز قبلها ومعروض على باقى الدول المشاركة فى المؤتمر ومعروف مين هيقول ايه وباقى الدول موافقة ع اللى هيقوله ولا لأ.. محدش بيطلع يرتجل.. وبالتالى قبل ما القمة تبدأ كل واحد عرض اللى هيقوله على الدولة المنظمة للقمة.. اللى هى السعودية.. فالجزائر قالت يا جماعه احنا اقل حاجه نعملها اننا نقطع العلاقات الدبلوماسية والتجارية واى نوع من انواع العلاقات مع اسرائيل، إلا ان الدول المطبعة مع اسرائيل قالتلك مينفعش دلوقتى لأننا فى حالة حرب.. لازم يبقى فى قنوات تواصل معاهم علشان حتى نستخدم العلاقات الدبلوماسية او التجارية كورقة ضغط فى مفاوضاتنا معاهم.. أو على اقل تقدير خالص لازم يبقى فى قنوات تواصل معاهم علشان نقدر نتكلم ونشوف طريقة نحل بيها مشكلة الحرب؟.. بالمناسبة انا مش بقولك رأيي انا بقولك اللى حصل فى القمة.. هقولك رأيي كمان شوية..
قررت القمة العربية الإسلامية في الرياض، كسر الحصار المفروض على قطاع غزة، وفرض إدخال مساعدات إنسانية تشمل الوقود على الفور، ودعوة المحكمة الجنائية الدولية للتحقيق في انتهاكات جيش الاحتلال الإسرائيلي بقطاع غزة.
ورفض البيان الختامي للقمةالعربية الاسلامية توصيف “هذه الحرب الانتقامية دفاعا عن النفس أو تبريرها تحت أي ذريعة”.
وادنت القمة العربية الاسلامية أي محاولات لتهجير الفلسطينيين من شمال القطاع إلى جنوبه، أو خارج القطاع والضفة الغربية والقدس، مطالبة مجلس الأمن الدولي باتخاذ قرار ملزم لوقف الهجوم الإسرائيلي المستمر بلا هوادة فى حق الفلسطينيين.