كتب جمال شعبان عميد معهد القلب السابق، عبر حسابه الرسمي على موقع التواصل الأجتماعي الفيسبوك:
الفنان أحمد سعد يسخر من أخيه العالم
الذي نجح في العلوم
بامتياز مع مرتبة الشرف
وحصل علي دكتوراه من اليابان
لأنه يركب سيارة متواضعة ١٢٨
وهو يعتبره قد ضل طريقه
و قد ضيع نفسه
لأنه سلك طريق العلوم
وباظ كما قال محاوره
صدقت يا نجم
يصبح ذلك عاديا
في زمن الرويبضة
عندما تنقلب الآية
ويمكث في الأرض الزبد
وأما ما ينفع الناس فيذهب جفاء
ويتفوق فيه صبي العالمة
علي العالم
ويكون أولو الفضل في أوطانهم غرباء
آفة حارتنا يا نجم
ازدراء أرباب الفكر والقلم
في الحقيقة أنا منبهر بهذا البرنامج الهادف الذي يرسخ للقيم والثوابت ويستضيف الرموز التي تعلي من شأن العلم والعلماء والقيم والقامات التي ستنهض بالمجتمع
شر البلية ما يضحك
يذكر أن الدكتور سامح سعد وهو مدير برامج مستشفى سرطان الأطفال بمصر ، سامح سعد علي شقيق أحمد وعمرو سعد ، قد حاز على جائزة الدولة للتفوّق بمجال العلوم الأساسية، وصرح أن الجائزة التى ينالها العالم أو الباحث “لاتُعبّر عن مجهود شخص واحد، بل عن مجموعة علمية وفريق متكامل” وتابع “الشغل المتناغم بينهم يؤدي إلى إنجاز ما” ووجّه التحية لجميع أعضاء فريق الباحثين الذين يعمل معهم.
حوار الفنان أحمد سعد مع الإعلامى عمرو اديب
عمرو اديب: انا عرفت ان ليك اخ عالم؟
احمد سعد: اه دا اللي ضاع فينا ماهو لو كان طلع فنان كان كسب اكتر بكتير
عمرو اديب: هو عالم في ايه؟
احمد سعد: سامح اول خمس سنين في كلية علوم امتياز مع مرتبة الشرف و طلع يعمل مؤتمر كدا فأخدته اليابان يحضر ماجستير و دكتوراه
و طلع هو الاول على اليابان في المجال بتاعه
فأمريكا خدته عملتله معمل من اهم عشر معامل في العالم
بس كلمه دكتور احمد زويل عشان ينزل يشتغل معاه في جامعة النيل فـ سامح ساب امريكا و قالك انا هخدم بلدي و نزل مصر
و الحمد لله جامعه النيل قفلت و سامح دلوقتي بيعطل على كوبري اكتوبر عشان معاه عربيه 128 و ايده كلها شحم و روحت جبته انا اخر مره
فيما علق الباحث والمحلل الاقتصادي الدكتور أحمد حنفي على صفحته الرسمية علي موقع التواصل الاجتماعي فيسبوك على واقعة أحمد سعد فى حق أخيه الدكتور سامح سعد قائلا:
اخوك كان عالم فى العلوم كان ممكن يشتغل بالعلم ويطلع ناجح عنك وعن كل اللى زيك بس هو اختار طريق الحلال اوعى تفكر ان بتاع العلم معندوش القدرة انه يشغل اللى زيك عنده ورب العباد كل علم له طرق الثراء الفاحش ولكن مالا تعلمه ان من رزق العلم رزقه الله الحلال.. لأن طبيعى الحرام بيزيل نور الله فى العقول اخوك أنجح منك وكسبها دنيا وآخره وال ١٢٨ مش معيار للنجاح والفشل … العبرة بالنهاية انت ميت واخوك ميت
انت هيسيبوك الراقصات والممثلين وكل من جاورك
إنما اخوك مش هيسيبه علمه وماله اللى اتحرم من انه يركب عربية فارهه صرفه على ابحاث وبهدله علشان يعرف يصرف على بيته وأولاده ويا سلام لو اخوك مربى أولاده على تقوى من الله هيدعوا ليه احسن بكثييير من اللى مالوش ولد من كتر الجواز والطلاق
انتهى يا ابن سعد
ولسه انتظر منى بث محترم بإذن الله هيعجبك اوى
