فى منشور على موقع التواصل الاجتماعي فيسبوك قالت دار الإفتاء المصرية فى تنويه عن طريقة حساب مقدار قيمة الزكاة هذا العام : “اعرف دار الإفتاء المصرية قدرت قيمة زكاة الفطر ازاى بطريقة سهله وبسيطة وميسرة ولغة عامية أيضا سهلة وبسيطة”
حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر.
بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا.
طيب سعر أردب القمح كام السنة دي ٢٠٠٠ جنيه مصري من أحسن الأنواع
وأردب القمح فيه ١٥٠ كيلو
يبقى سعر الكيلو كام ١٣.٣٣ ثلاثة عشر جنيه وثلاثة وثلاثون قرشًا تقريبًا
طيب والزكاة أد ايه في القمح ( ٢.٠٤ كيلو)
يبقى نضرب ٢.٠٤كيلو * ١٣.٣٣
يطلع الناتج ٢٧.١٩ جنيه مصري
ودار الإفتاء قالت إنه ٣٥ جنيه يعني زودت كمان عن الحد الأدنى بشويه
و ٣٥ جنيه الحد الأدنى (يعني طلع أكتر من ٣٥ جنيه لو معاك ودخلك يسمح لك)
بس اللى مش هيقدر فأقل حاجه يطلعها عن الفرد ٣٥ جنيه
طيب أنا شايف إن ٣٥ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٥ جنيه ولا تلزم غيرك يطلع زيك لأن ممكن يكون غير قادر
كمان تقدر تطلعها فلوس لا تشتر بها شيء
لأن بعض الناس مفكره إن ناخد الفلوس نشتري بها أرز مثلا
لأ طلعها فلوس وربنا يتقبل منك
كمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم.
دار الإفتاء المصرية هي هيئة مصرية دينية رسمية تعنى بإصدار الفتاوى والإرشاد الديني للمسلمين في مصر بشكل خاص وفي العالم العربي بشكل عام.
تأسست دتر الإفتاء المصرية في عهد الخديوي إسماعيل في القرن التاسع عشر، وهي تعتبر من أقدم المؤسسات الدينية في البلاد.
تقوم دار الإفتاء المصرية بتقديم النصح والإرشاد للمسلمين في مختلف القضايا الدينية والشرعية وتعمل على توجيه الناس في الشؤون الدينية والفقهية والمعاملات الشرعية.
تقدم دار الإفتاء المصرية خدماتها ومحتواها عبر عدة قنوات، من بينها:
1- الموقع الرسمي بدار الإفتاء المصرية على الإنترنت: يحتوي على الفتاوى والمقالات والنصائح الدينية من علماء الدين.
2- الصفحات الرسمية على مواقع التواصل الاجتماعي مثل فيسبوك وتويتر وإنستجرام، حيث يتم نشر المحتوى الديني والتوجيهات الدينية.
3- البرامج التلفزيونية والإذاعية التي يشارك فيها علماء الدين ومفتون الدين من دار الإفتاء.
4- خدمة الرسائل القصيرة والتطبيقات الخاصة بالهواتف الذكية التي تقدم المشورة الدينية والإرشاد.
5- للحصول على المشورة الدينية والإرشاد من دار الإفتاء المصرية التوجه الى مبنى دار الإفتاء.
