فى أحدث حلقات برنامج «المواطن سعيد» تقديم الكاتب الصحفي أحمد سعيد، والتي نُشرت أمس الاربعاء 6 سبتمبر عبر منصة “يوتيوب” تحت عنوان هروب الوزيرة.. ما هى علاقة مصر بفضيحة نجلاء المنقوش واتهامها بالخيانة، استعرض من خلالها العلاقات الخارجية الليبية مع الكيان الصهيوني والموقف المصري منها.
يبدء الكاتب احمد سعيد الحلقة موضحاً العلاقات الليبية ويقول : ليبيا عمرها ما اعترفت بوجود حاجه اسمها اسرائيل.. الرئيس معمر القذافى عمره ما اعترف بوجودها.. يجيبوه يمين يجيبوه شمال، يقولهم برده مفيش حاجه اسمها اسرائيل.. لدرجة ان وزراء خارجية البلدين.. ليبيا واسرائيل.. عمرهم ما اتقابلو.. محصلتش فى التاريخ.. لكن تحصل المفاجأة امتى؟.. لما تيجى وزيرة خارجية ليبيا نجلاء المنقوش من كام يوم.. وتروح ايطاليا مخصوص، علشان تقابل وزير خارجية اسرائيل فى مقابلة سرية المفروض ان محدش كان يعرف عنها حاجه؟.. هما اتفقو على كده.. حضرتك تقولى امال الناس عرفت ازاى؟.. اقولك ان وزير خارجية اسرائيل بنفسه هو اللى فضح وزيرة خارجية ليبيا فى تغريدة على تويتر.. وقال انها قابلته فى روما.. علشان يبقى ده اول اجتماع مباشر بين وزير خارجية اسرائيلي ووزير خارجية ليبي.. أول مرة تحصل فى التاريخ.. فاحنا دلوقتى قدام وزيرة خارجية هربانه ومطلوب القبض عليها.. ورئيس وزراء ممكن هو كمان يتحاكم لو ظهر أى دليل يثبت تورطه فى محاولة التطبيع مع اسرائيل.. وهنا السؤال.. هل الوزيرة فعلا قابلت وزير الخارجية الاسرائيلي؟.. وهل رئيس الوزراء الليبي كان موافق على المقابله؟.. ولو كان موافق.. ليه أقال وزيرة الخارجية من منصبها؟.. ويا ترى لما هربت.. هربت على فين؟.. وهل هروبها ده معناه انها كده خلاص مبقتش تقدر ترجع ليبيا؟.. فى يوم وليله كده اتحولت من وزيرة لمجرمة؟.. والسؤال الأهم من كل اللى فات؟.. ايه سر الخلاف اللى بين وزيرة الخارجية الليبية وبين مصر؟.. اللى نعرفه ان كان فى خناقة كبيرة بينها وبين مصر؟.. فيا ترى مصر ليها علاقة بالموضوع؟.. أقولك الله ينور عليك.. هى دى الأسئلة المهمة.. تعالا بقى نجاوب عليها..
لمشاهدة الحلقة
